Hugmyndafræði, markmið og leiðir.

Hugmyndafræði leikskólans byggir að mestu á eftirfarandi kenningum:

* Að hlýleg og traust umönnun stuðli að andlegri- og líkamlegri vellíðan barnanna.
* Allir þurfi að þekkja eigin tilfinningar og að allar tilfinningar þurfi að virða.
* Að mikilvægt sé að vera góður í samskiptum.
* Að barnið læri í gegnum eigin upplifanir.
* Að barnið læri best í gegnum leik.

Til þess að framfylgja þessari hugmyndafræði leikskólans Laugalandi eru farnar leiðir sem eftirfarandi kennismiðir hafa lagt fram:

* John Dewey, barnið lærir best með því að framkvæma (,,Learning by doing”)
* Birgitta K. Olafsson, leikur barna
* Howard Gardner, Fjölgreindarkenningin
* Daniel Goleman, tilfinningagreind
* Thomas Gordon, samskipti

Við teljum forsendu þess að takast megi að rækta alhiða þroska barnsins sé að barninu líði vel. Í leikskólanum Laugalandi er því lögð megináhersla á vellíðan barnanna í starfi og leik. Kennarar leggja sig fram við að þekkja sérkenni hvers barns og koma til móts við þarfir þess. Stundaskráin er einföld og reglur eru fáar og þeim er fylgt eftir þannig að börnin vita að hverju þau ganga á hverjum degi.
Sýnt hefur verið fram á að tilfinningagreind og innsæi eru mikilvægari en flest annað til að ná árangri í starfi og lífinu almennt. Hægt er að hafa áhrif á tilfinningagreind okkar með markvissri kennslu og þjálfun