| Hagnýtar
upplýsingar
Opnunartími/sumarfrí
Leikskólinn er opinn frá kl. 8:00 – 17:00 alla daga.
Boðið er upp á að börnin dvelji hér í
4, 5, 6, 7, 8 eða 9 tíma á dag. Leikskólanum
verður lokað í 6 vikur í sumar frá og með
1. júlí til og með 12. ágúst og þá
fellur greiðsla skólagjalda niður. Allt sumarfrí
sem tekið er umfram þessar 6 vikur greiðast að fullu
eins og um eðlilegan skólatíma sé að ræða.
Að koma með
og sækja barn í leikskólann
Þegar komið er með barn í leikskólann skal
tilkynna það starfsfólki. Starfsfólki leikskólans
Laugalandi er óheimilt að afhenda barn öðrum en
foreldrum/forráðamönnum og þeim sem forráðamenn
hafa veitt heimild til að sækja barnið og tilkynnt það
leikskólanum. Ef aðrir en foreldrar/forráðamenn
barns eiga að sækja barnið ber að tilkynna það
leikskólanum. Þegar barn er sótt skal ávalt
séð til þess að starfsfólk sé látið
vita.
Námskeiðs
-og skipulagsdagar
Námskeiðs- og skipulagsdagar starfsfólks eru 3 á
ári. Þessir dagar eru notaðir til að skipuleggja
og undirbúa uppeldisstarf leikskólans, meta það
starf sem unnið hefur verið og einnig eru þeir nýttir
til endurmenntunar kennara. Leikskólinn er lokaður þessa
daga og eru þeir auglýstir með a.m.k. 3ja vikna fyrirvara.
Hefð hefur skapast fyrir því að skipulagsdagar
séu haldnir fyrsta vinnudag eftir áramót og á
Öskudaginn. Foreldrar ættu því að gera gengið
að því sem vísu að leikskólinn sé
lokaður þessa daga.
Óhöpp
og slys / tryggingar
Í barnahópi geta alltaf orðið óhöpp
eða slys. Ef slíkt kemur fyrir er strax haft samband við
foreldra og farið með barnið á heilsugæsluna
ef þörf er talin á því.
Börn í leikskólum Rangárþings ytra og
Ásahrepps eru slysatryggð á meðan þau dvelja
í leikskólanum.
Leikskólagjöld
Við upphaf leikskólagöngu eru foreldrar/forráðamenn
boðaðir í viðtal til leikskólastjóra.
Þar undirrita báðir aðilar samning um leikskóladvöl
barnsins og skil á leikskólagjöldum. Leikskólagjaldið
er greitt fyrirfram einn mánuð í senn og er eindagi
15. hvers mánaðar. Samningnum skal segja upp með a.m.k.
eins mánaðar fyrirvara. Verði vanskil á gjöldum
í þrjá mánuði er samningnum rift af hálfu
rekstaraðila, starfsfólki er þá ekki lengur
heimilt að taka við barninu til dvalar í leikskólanum.
Ef barn er sótt of seint greiða foreldrar sekt. Gildir það
líka ef komið er með barnið fyrir umsamdan vistunartíma.
Leikskólataskan/fatahólf
Leikskólinn er vinnustaður barnanna og á fjörugum
vinnustað má alltaf gera ráð fyrir óhöppum
af ýmsum toga Við vinnum með lím, málningu
og ýmis efni sem sest geta í föt barnanna. Klæðnaður
barnanna þarf því að vera þannig að
á honum megi sjá. Gott er að fötin séu
víð og þægileg þannig að börnin
eigi auðvelt með að klæða sig sjálf í
og úr, enda er sjálfshjálp liður í leikskólauppeldinu.
Mikilvægt er að
börnin séu klædd eftir veðri og hafi þann
klæðnað meðferðis sem gera má ráð
fyrir að þau þurfi á að halda hvern dag.
Það sem þarf að vera í leikskólatöskunni
er: Föt til skiptanna, s.s. nærbuxur, bolur, sokkar/sokkabuxur,
síðbuxur og peysa. Pollagallinn og stígvél
eru nauðsynleg og síðan snjógalli, hlý
peysa, vettlingar til skiptanna, húfa og ullarsokkar þegar
það á við. Að lokum er það liður
í uppeldi barnanna í leikskólanum að ganga
snyrtilega um og hirða fötin sín. Foreldrar auðvelda
starfsfólki og börnum það verk, með því
að hugsa vel um hólf barnanna sinna. Taka heim blaut og skítug
föt og hafa hvorki meira né minna í töskunni
en þar þarf að vera. Ganga vel um það sem
geymt er yfir vikuna.
Hólfin á síðan að tæma alveg á
föstudögum til þess að hægt sé að
þrífa þau vel.
Börn sem nota bleiur koma með þær að heiman.
Merktur
fatnaður skilar sér best.
Fjarvistir
Ef barnið kemur ekki í leikskólann vegna veikinda
eða annarra ástæðna, þá vinsamlegast
látið okkur vita. Ef barnið vill ekki koma í leikskólann
látið okkur einnig vita svo hægt sé að finna
orsökina og vinna með barnið.
Veikindi
Eftir veikindi mega börn vera inni að hámarki tvo daga
enda hafi þau verið heima í a.m.k. einn dag hitalaus.
Skilaboð um inniveru þurfa að koma frá foreldrum
sjálfum en ekki barninu. Við bjóðum upp á
styttri útiveru eftir veikindi ef foreldrar óska. Athugið
að hægt er að vera veik(ur) þó svo að
hiti sé ekki merkjanlegur. Foreldrar verða því
að meta það hverju sinni hvort barnið er tilbúið
að takast á við skóladaginn
Breytingar á
skólatíma
Óski foreldrar eftir breytingum á skólatíma
barnsins skal þeim óskum komið til leikskólastjóra
á þar til gerðu eyðublaði með mánaðar
fyrirvara. Reynt er að koma til móts við óskir
foreldra um breytingar.
Uppsagnarfrestur
Uppsagnarfrestur á skóladvöl er einn mánuður
og miðast við 1. eða 15. hvers mánaðar. Tilkynna
skal leikskólastjóra uppsögnina skriflega á
eyðublaði sem fæst í leikskólanum. Greitt
er fyrir skóladvöl út uppsagnarfrestinn nema samið
sé um annað.
Fréttablað
Leikskólinn gefur út fréttabréf eftir þöftum,
þó eigi sjaldnar en tvisvar á önn.
Dagbók/Upplýsingatafla
Upplýsingatafla er í fataklefanum þar sem daglegum
skilaboðum og auglýsingum er komið fyrir. Í dagbókina
skrifum við helstu fréttir, hvað er á döfinni
og það sem við erum að gera hverju sinni. Einnig hvað
hefur verið í matinn. Dagbókin liggur alltaf uppi
á skúffuskáp þar sem foreldrar geta auðveldlega
nálgast hana.
|
