//Á döfinni//

// Fréttir frá Laugalandsskóla//

..:: Frá Bókasafninu á ::..

..:: Laugalandi ::..

Opnunartímar bókasafnsins veturinn 2010/2011 breytast lítið eitt frá því í fyrra:
Mánudaga kl.08:50-09:30 og 11:50-12:30
Þriðjudaga kl.09:10-09:50
Miðvikudaga kl.09:10-09:50 og 11:50-12:30
Fimmtudaga kl.11:50-12:45 og 20:00-22:00
Föstudaga kl.08:30-09:30

..:: Til foreldra nemenda í ::..

..:: 1. - 10. bekk ::..

..:: Laugalandsskóla ::..

Kynningarfundur verður haldinn þriðjudaginn 7. september

kl. 16:00-17:00. Umsjónarkennarar munu kynna vetrarstarfið þ.e. námsáætlanir, námsefni og helstu áherslur.

Einnig verður kynning í ART og eru foreldrar/forráðamenn nemenda í 6.og 9. bekk sérstaklega velkomnir á kynninguna en aðrir eru einnig velkomnir.

..:: Veiðivötn ::..

Nemendur 9. bekkjar fara ásamt umsjónarkennara í Veiðivötn 9. september. Veiðivatnaferðin í fyrra var vel heppnuð og ekki líkur á öðru en að hún verði það einnig í ár.

..::Þórsmerkurferð::..

 Áætlað er að 7. og 8. bekkur fari í Þórsmörk ásamt Guðna íþróttakennara miðvikudaginn 8. september og komi heim fimmtudaginn 9. september. Nánari upplýsingar fara heim bréflega með nemendum.

 ..:: Við skólaupphaf ::.. 

Fimmtugasta og þriðja starfsár Laugalandsskóla er nú hafið.

Nokkrar starfsmannabreytingar hafa þó orðið. Kolbrún Sigþórsdóttir og Eyrún Jónasdóttir eru komnar aftur til starfa eftir ársleyfi. Sigurlaug Steingríms­dóttir er hætt störfum sem og Stefán Erlendsson sem nú vinnur að doktors­ritgerð sinni. Þá hafa þær María Carmen Magnúsdóttir og Svava Júlía Jónsdóttir hafið störf. María Carmen er umsjónarkennari 9. bekkjar og Svava Júlía er umsjónarkennari 6. bekkjar. Auk þess starfar nú þroskaþjálfi við skólann sem heitir Guðbjörg Vilhjálmsdóttir.

Við þökkum Sigurlaugu og Stefáni kærlega fyrir gott og farsælt samstarf og óskum þeim velfarnaðar á nýjum vettvangi um leið og við bjóðum nýtt fólk velkomið.

Nemendur í 1. bekk með umsjónarkennara sínum.

Það er ekki bara nýtt starfsfólk sem hefur vinnu við skólann því nokkuð mörg ný andlit eru í nemendahópnum. Á myndinni hér fyrir ofan eru þeir fimm nemendur sem hófu skóla­göngu sína í 1. bekk í haust. Þeir eru frá vinstri Aldís Freyja Kristjáns­dóttir, Kristinn Rafn Bjarnason, Sigurbjörg Helga Vignisdóttir, Sigurður Matthías Sigurðarson og Heiðdís Lilja Erlingsdóttir.  Umsjónarkennari þeirra er Hulda Brynjólfs­dóttir. 

Auk þeirra bættust við 7 nýir nemendur í aðra bekki en þeir eru Aron Orn Olason Lotsberg (5. bekk), Jana Lind Ellertsdóttir (5. bekk), Lórenz Sólon Elfar Sig­hvatsson (7.bekk), Mikael Olason Lotsberg (7. bekk), Agnes Helga Jónsdóttir (10. bekk), Erna Lind Oladóttir Lotsberg (10. bekk) og Fannar Geir Sigurgeirsson (10. bekk).  

Þessa nemendur bjóðum við velkomna til starfa, sem og alla aðra nemendur skólans.

Nemendur í Laugalandsskóla eru nú 92 talsins.

//Á döfinni//

// Fréttir frá Laugalandsskóla//

..:: Íþróttaæfingar á Laugalandi ::..

..:: Haust 2010 ::..

Eftirtaldar æfingar eru fyrir 4.-10. bekk

Mánudagar kl. 14:30-16:00: Fimleikar

Þriðjudagar kl. 15:00-16:30: Glíma  

Miðvikudagar kl. 15:00-16:30: Knattspyrna/handbolti

Fimmtudagar kl. 15:00-16:00: Blak/badminton/borðtennis

Eftirtaldar æfingar eru fyrir 1.-10. bekk

Þriðjudagar: Frjálsar íþróttir - Yngri hópur (9 ára og yngri) 19:30-20:30

Þriðjudagar: Frjálsar íþróttir - Eldri hópur (10 ára og eldri) 20:30-22:00

..:: Sjálfsmat skólans::..

 Á síðasta ári voru gerðar tvær kannanir í tengslum við sjálfsmat skólans. Gerð var könnun á líðan nemenda og starfsfólks og einnig var viðhorf áðurtaldra starfshópa á aðbúnaði kannað. Voru kannanirnar lagðar fyrir nemendur og starfsfólk skólans og síðan unnið úr niðurstöðum þeirra og gefin út skýrsla um þær. Skýrslu þessa má nálgast á heimasíðu skólans, en í stuttu máli má segja að niðurstöður hafi komið vel út og er almenn ánægja í skólasamfélaginu með þessa þætti.                          

Á þessu skólaári verður gerð ný könnun á líðan, en einnig á viðhorfi fólks til kennsluhátta.

..::Gönguleiðir UMFÍ::..

„Hættu að hanga og komdu að hjóla, synda eða ganga“

UMFÍ býður uppá verkefni fyrir grunnskólanemendur, þar sem þeir merkja gönguleiðir í nágrenni við skólann sinn og skila til UMFÍ.

 

Laugalandsskóli ákvað að vera með í þessu verkefni og hefur Svava Júlía farið í göngu með nemendum sínum í 6. bekk áleiðis að skóginum í Nefsholti. Þau ætla að fara aftur og merkja leiðina nákvæmlega og skila gönguleiðinni inn til UMFÍ. Hér má sjá

 

nokkrar myndir úr fyrstu ferðinni.